Parêznameya Serokê Gelê Kurd Abdullah Ocalan a bi navê "Parastina Gelekî," ku di riniştina doza xwe ya di 9ê Hezîranê de pêşkêşî dadgeha Mafê Mirovan a Ewrûpayê kiribû, bû pirtûk. Ocalan, parastina xwe ya mijara gotinê, diyarî gerîllayên Hêzên Parastina Gel kiriye, û di gelek aliyan de, xwedî fikir û ramanên nû ye. Parêznameya Serokê Gelê Kurd Abdullah Ocalan a bi navê 'Parastina Gelekî" bû pirtûk.

 

Pirtûk ji 7 beşan pêk tê û Ocalan di heman demê de weke parêznameya doza xwe, di 9ê Hezîranê de pêşkêşî Dadgeha Mafê Mirovan a Ewrûpayê kiribû.

 

Di beşa yekem a bi navê "Rastiya Civakê û Kes" de krîza şeristaniyê ku bi hebûna civaka bi dewlet û koledar re destpêkir, bi berfirahî tê nirxandin û çarêseriyên wê yên alternatîf jî tê destnîşankirin.

 

Ocalan, di beşa 2emîn de diyar dike, ku mirovahî bi rêbaza demokrasiyê dikare vê krîza ku şaristanî têde ye, çareser bike.

 

Wekî din ji bo civaka ekolojîk jî pêwistiya azadkirina ramana di derbarê cinsiyetê de tîne ziman û rave dike, ka vegera ji bo civaka ekolojîk çawaye.

 

Ocalan, di beşa 3emîn de alozî û Kaosa Rojhilata navîn û Kurdan, di beşa 4emîn de jî dîroka Kurdistanê bi nêrîneke cuda dinirxîne û di vir de zirarên hiyerarşiya desthilatdariyê radixe pêş çavan.

 

Di beşa 5emîn de ji dîroka PKKyê û vir ve rexnedaneke berfireh tê dayîn û Ocalan bi hevokên balkêş destnîşan dike, ku divê PKK li gorî paradîgmaya nû, xwe nû bike û şeweyên xwe biguherîne.

 

Her wiha di vê beşê de, der barê modela rêxistinbûyîna nû ya Kurdan de hin rêbaz û pêşnişar jî cîh digirin.

 

Di beşa 6mîn a doza Ocalan de li ser rola Dadgeha Mafê Mirovan a Ewrûpayê û Yekîtiya Ewrûpayê tê rawestîn û di beşa 7emîn de divê helwesta li hemberî Ocalan çawa be û çawa were nirxandin, tê şîrovekirin.

 

Ocalan tîne ziman, ku wî ev parêznameya xwe diyarî gerîllayên HPG dike û dibêje, cara yekeme ku fikr û ramanên wî di gelek mijaran de ew çend safî û zelal bûye.

 

Parêznameya Ocalan a bi navê Parstina Gelekî, di demeke kin de bi kurdî zaravayê kurmncî û bi zimanên din jî wê were çapkirin.